Արդեն երկրորդ տարին է,որ գիտելիքի օրը՝ սեպտեմբերի մեկին, սեբաստացիներով ճամփորդում ենք: Այս տարի ընկեր Սոնայի հետ ճամփորդում ենք Կոտայքի մարզ, Բուժական գյուղ՝ Թեղենյաց վանք:
Թեղենիս լեռ
Թեղենիս լեռը գտնվում է Կոտայքի մարզում: Երկարությունը 20 կմ է, առավելագույն բարձրությունը՝ 2851մ : Կան հանքային ջրերի պաշարներ:Կլիման բարեխառն է: Թեղենիս լեռ բարձրանում ենք Բուժական գյուղից:
Թեղենյաց վանք
Թեղենյաց վանքը միջնադարում հզոր վանական համալիր էր, որը կազմված էր Կաթողիկե եկեղեցուց, գրատուն-դպրատնից, երկու գավիթներից, սեղանատնից և մատուռներից: Վանական համալիրի գրեթե բոլոր շինությունները կառուցված են կարմիր կամ մուգ տուֆ քարից:
Թեղենյաց վանք վանական համալիրը գտնվում է Կոտայքի մարզում՝ Թեղենիս լեռան լանջի՝ թեղիներով շրջապատված բացատում: Այն տեղակայված է Բուժական գյուղից 3 կմ դեպի հյուսիս:
Բուժական գյուղ
Բուժականը տարածվել է Ծաղկունյաց լեռնաշղթայի հարավային վերջավորության պռնկին, Արա լեռան հանդիման։ Երեք կողմից անտառապատ, ծաղկափթիթ լեռներ ու բլրաշարքեր են։ Բնակչությունը զբաղվում է անասնապահությամբ, դաշտավարությամբ, այգեգործությամբ, մեղվաբուծությամբ և թռչնաբուծությամբ։ Բուժականից 3 կմ հյուսիս՝ անտառում գտնվում է «Թեղենյաց» վանական համալիրը: